लेकवेशी नगरपालिकाको  ९औं  नगरसभा मिति २०७८ आषाढ १० गते देखी सुरु भएको छ । नगर प्रमुख श्री गगन सिं सुनारको सभाध्यक्षतामा संचालन भएको कार्यक्रममा नगर उप- प्रमुख श्री शान्ती कुमारी छन्तेलले आर्थिक वर्ष २०७८/७९ का लागी नीति तथा कार्यक्रमहरु पेश गर्नुभएको थियो । अबको आर्थिक वर्षमा परिमाण मुखी भन्दा पनि परिणाम मुखी  योजना  र कार्यक्रमहरुमा जोड दिईने जानकारीदिनुभयो । उक्त कार्यक्रममा नगर प्रमुख तथा उप-प्रमुखले COVID-19 बाट ज्यान गुमाएका हरुलाई समवेदना, पारिवारिक अवस्थाका आधारमा सहायता प्रदान गरिने  साथै संक्रमित हरुको शिघ्र स्वास्थ्यलाभको कामना समेत गर्नुभएको थियो ।

आर्थिक वर्ष २०७८/०७९ मा कार्यान्वयन हुने उल्लेखित नीति तथा कार्यक्रमका लागि कूल जम्मा रु. ६३१६८४१४५/- (त्रिसठ्ठी करोड सोह्र लाख चौरासी हजार एक सय पैतालिस रूपैयाँ) ​ विनियोजन गरिएको छ । कुल विनियोजित बजेटमध्ये चालु खर्चतर्फ  रू. २२०२७९४६४/- (बाईस करोड दुई लाख उनान्असी हजार चार सय चौसठ्ठी रूपैयाँ) र पूँजीगत तर्फ रू. ४११४०४६८१/- (एकचालिस करोड चौध लाख चार हजार छ सय एकासी रूपैयाँ) । 

आगामी आ.व. ०७८/०७९ मा अनुमान गरिएको खर्च मध्य संघीय समानिकरण अनुदान रू. १२०००००००/- (बाह्र करोड रूपैयाँ), संघीय राजश्व बाडफाँड रू.८८३२००००/- (आठ करोड त्रियासी लाख बीस हजार रूपैयाँ), प्रदेश सरकार समानिकरण अनुदान रू.१२८५७०००/- (एक करोड अठ्ठाईस लाख सन्ताउन्न हजार), प्रदेश सरकार राजश्व बाँडफाँड रू.१३१२१४५/- (तेह्र लाख बाह्र हजार एक सय पैतालिस रूपैयाँ), लेकवेशी नगरपालिका आन्तरिक स्रोत (आन्तरिक राजश्व, दहत्तर बहत्तर शुल्क, बैंक मौज्दात) बाट रू.४९००००००/- (चार करोड नब्बे लाख रूपैयाँ) परिचालन गरिनेछ । साथै विकास साझेदार संघसंस्थाहरूबाट आ.व. ०७८/०७९ मा सञ्चालन गर्ने कार्यक्रमको प्रस्ताव पेश भए बमोजिम कार्यक्रम सञ्चालन गरिनेछ ।

सोहि अवसरमा सभाध्यक्ष नगर प्रमुख  गगन सिं सुनारले COVID का कारण रोकिएका कार्यहरु स्वास्थ्य मापदण्ड अपनाई सिघ्ररुपमा पुन:संचालन हुने र  लामो समयदेखी अपेक्षाकृत धुलियाबिट-भेडाबारी सडक खण्ड समेत संघीय सरकारसंगको समन्वयमा यहि आर्थिक वर्ष देखी सुरुहुने जानकारी दिनुभएको छ ।

नगरसभाको दोश्रो बैठक आषाढ २१ गते विहान ११:०० बजे बस्ने छ ।