२०८१चैत्र १८ गते स्वास्थ्य संस्था संचालन तथा ब्यवस्थापन समितिका अध्यक्ष श्री लोकेन्द्र थापा ज्यूको अध्यक्षता, नगर प्रमुख श्री उमेश कुमार पौडेल ज्यूको प्रमुख आतिथ्यता, उप- प्रमुख श्री विमला खड्लुक ज्यू, प्रमुख प्रशासकीय अधिकृत श्री बखतबहादुर खड्काज्यूको विशेष आतिथ्यता तथा राजनितिक दलका प्रतिनिधि हरु, स्वास्थ्य संस्था प्रमुख हरु, स्थानीयहरुको उपस्थितिमा लेकवेशी नगर अस्पतालको उद्घाटन भएको छ । १५ शैयाको अस्पतालका लागी जग्गा प्राप्ती तथा ठेक्का प्रक्रियामा भएको समस्याका कारण नगर अस्पतालको भवन निर्माणमा ढिलाई भै रहेकाकारण सर्वसाधारणहरुले अस्पतालबाट प्राप्त गर्नुपर्ने सेवा हाल प्राथमिक स्वास्थ्य केन्द्र रहेकै स्थानबाट प्रवाह हुने गरी नगर अस्पतालको शिलान्यास र उद्घाटन भएको हो । साथै, सोही अवसरमा साटाखानी स्वास्थ्यचौकी, कल्याण स्वास्थ्यचौकी, नेटा स्वास्थ्यचौकी, प्राथिक स्वास्थ्यचौकी दशरथपुर र लेखफर्सा स्वास्थ्यचौकीलाई किशोर किशोरी मैत्री स्वास्थ्यचौकीको रुपमा प्रमाणपत्र समेत प्रदान गरिएको छ ।